Skills for the smart future

Čovječanstvo ulazi u četvrtu industrijsku revoluciju, a pametne tehnologije unose niz promjena u ekonomiju, na tržište rada i u naše živote. Obrazovanje je način da se djeca pripreme za izazove novog doba. Pored  klasičnih tehničkih znanja iz oblasti informacionih tehnologija, za obavljanje poslova 21. vijeka biće potrebna nova znanja i nove vještine.  Pored digitalne pismenosti, za napredak, kako društava, tako i pojedinaca, biće neophodno kreativno, kritičko i analitičko mišljenje pri rješavanju problema.

Naš program "Škole za 21. vijek" je odgovor na ovaj zahtjev. Podučavanje djece vještinama za 21. vijek predstavlja ulaganje u njihovu budućnost, a time i u budućnost ekonomija Zapadnog Balkana.

Naš program će  pomoći obrazovnim sistemima u regionu Zapadnog Balkana da, kao u najnaprednijim zemljama svijeta, omoguće učenicima/ama da ovladaju vještinama koje će im u budućnosti obezbijediti bolje šanse za zapošljavanje i lični napredak. Ulaganjem u učenike/ce danas, ulažemo u njihovu budućnost. 

Nedavna istraživanja pokazuju da će većina poslova u budućnosti biti u brzorastućem IT sektoru. Uzimajući u obzir takve pokazatelje, naš program se fokusira na uvođenje onih vještina u obrazovne sisteme koje poslodavci smatraju poželjnim, a to su: kritičko mišljenje, rješavanje problema, kreativnost i timski rad u pronalaženju rješenja za svakodnevne probleme. U saradnji sa obrazovnim institucijama svih zemalja regiona, želimo da podržimo unaprjeđivanje nastave u učionicama širom Zapadnog Balkana kako bi mladim ljudima pružili bolje šanse za posao u budućnosti kroz razvoj njihovih vještina.